Isang mabigat na pahayag ang binitawan ng Bangko Sentral ng Pilipinas. Hindi ito haka haka. Hindi ito interpretasyon lamang.

Mismo si BSP Governor Eli M. Remolona Jr. ang nagsabi:

“We have very limited tools in monetary policy. We’re at the point where monetary policy cannot do much more.”

Sa madaling salita, umabot na sa hangganan ang kayang gawin ng central bank para buhayin ang ekonomiya.

 

Monetary Policy: Hanggang Dito Na Lang

Noong Feb. 20, ibinaba ng Monetary Board ang key policy rate ng 25 basis points, mula 4.50 percent pababa sa 4.25 percent.

Layunin nitong saluhin ang matinding pagbagal ng ekonomiya noong 2025.

Ngunit malinaw ang mensahe ni Remolona:

Hindi sapat ang interest rate cuts para ayusin ang mas malalim na problema ng bansa.

Ayon sa kanya:

“Interest rates alone can’t do the trick. We need support from other measures, and those come from the fiscal side.”

Ibig sabihin, nasa gobyerno na ang bola.

Ang Totoong Problema: Structural Issues at Governance Failures

Hindi simpleng inflation ang dahilan ng pagbagal ng ekonomiya. Ayon sa ulat, ang 2025 output slump ay iniugnay sa epekto ng corruption na nakaapekto sa public at private construction.

Binanggit din ang isyu ng flood control mess noong nakaraang taon na nagdulot ng seryosong krisis sa kumpiyansa ng publiko at investors.

Kapag bumagsak ang kumpiyansa, bumabagal ang proyekto.
Kapag bumabagal ang proyekto, bumabagal ang trabaho.
Kapag bumabagal ang trabaho, bumabagsak ang paglago.

Hindi ito kayang ayusin ng interest rate lamang.

Inflation: Kontrolado Pero May Babala

Sa panayam ni Remolona sa CNBC, sinabi niya:

“Inflation is under control… which means we have some leeway to do something about growth.”

Ngunit may revision sa forecast:

• 2026 inflation forecast tinaas sa 3.6 percent mula 3.2 percent
• 2027 inflation forecast tinaas sa 3.2 percent mula 3 percent

Nauna nang sinabi ng gobernador na magiging concern kung lalampas sa 3 percent ang inflation.

Target range ng BSP: 2 percent hanggang 4 percent.

Ibig sabihin, nasa loob pa ng target, pero mas delikado na ang balanse.

Binaba ang Growth Forecast

Mas malinaw ang larawan kapag tiningnan ang GDP projections:

• 2026 GDP growth forecast binaba sa 4.6 percent mula 5.4 percent
• 2027 projection binaba sa 5.9 percent mula 6.2 percent

Ito ay malinaw na senyales na hindi pansamantala ang pagbagal.

 

Ang paki usap nakaraang taon: “PLEASE STOP!”

Noong Setyembre 4, 2025, tatlumpung pinakamalalaking business groups sa bansa ang naglabas ng matinding pahayag laban sa graft at corruption sa gobyerno.

Ayon sa 30 business groups:

“Our call therefore is not just to moderate your greed. Our collective call to these corrupt officials is PLEASE STOP! MAAWA NAMAN KAYO SA MGA NAGHIHIRAP NA TAONG BAYAN.”

Tinukoy sa pahayag ang seryosong alegasyon ng korapsyon sa:

• Department of Public Works and Highways
• Mga Local Government Units
• Commission on Audit

Hindi ito simpleng political noise. Ito ay mismong mga lider ng industriya na nagsasabing pinapatay ng korapsyon ang ekonomiya.

Source:
https://business.inquirer.net/545155/30-business-groups-condemn-corruption-in-philippine-bureaucracy

Konklusyon: Isang Babala sa Bansa

Ang pahayag ng BSP ay hindi pag-amin ng pagkatalo.

Ito ay malinaw na babala.

Kapag sinabi ng central bank na ang nagpahayag na para bang “wala nang magagawa” ang monetary policies, ibig sabihin oras na para ang gobyerno naman ang kumilos nang seryoso.

Kung hindi maaayos ang governance failures, kahit ibaba pa ang interest rate sa mas mababa, hindi babalik ang kumpiyansa.

At kapag walang kumpiyansa, walang tunay na paglago sa ekonomiya.

Sources:
Manila Bulletin
BSP
Inquirer.net